Coton de Tulear 

Hinn klári Coton de Tuléar eða oftast talað um sem Coton elskar ekkert meira í heiminum en að vera með fólkinu sínu.

Hann er smár en alveg ótrúlega klár, hann er ræktaður sem selskapshundur og því er það sterkt í tegundinni að vera nálægt fólki.

Umhverfisþjálfun er mjög mikilvæg eins og hjá öllum hundum og einnig mikilvægt að byrja strax á að kenna þeim að vera einum heima.

Cotoninn elskar útiveru og finnst ekkert skemmtilegra en göngur með sínum eiganda hvort sem það er miðbæjarrölt eða fjallgöngur.

Cotoninn er einnig líka oftast mjög leikglaður en einnig sterkur með rútínur.

Hann er skemmtilegur í þjálfun og ma hafa nokkrir Tia Oroka cotonar verið rauðakross hundar, þjálfaðir í spori og hlýðni, fer allt eftir því hversu mikið þú leggur í þjálfun.

Það getur verið gelt í cotoninum en alltaf hægt að vinna með það, sumum finnst það ágætt að hann láti vita en einnig getur cotoninn "talað" eða "röflað" eins og við eigendurnir köllum það.

Helsta markmið cotonsins með lífi sínu er að elska eiganda sinn og gerir hann allt til að vinna sér inn athygli og elsku.

Cotoninum semur vel við aðra hunda og er barngóður ef honum er það kynnt í umhverfisþjálfun sinni.

Feldhirðan er einhver, og mæli ég með baði og blástri á viku til 10 daga fresti, alltaf að nota bæði sjampó og næringu og þegar maður blæs feldinn minnkar maður líkurnar á því að hann flækist.

Umhverfisþjálfun er einnar mikilvægast þegar maður eignast hund, hann hefur átt sína frumbernsku hjá ræktandanum og mömmu sinni, en eftir 8 vikna aldurinn tekur við lífið með nýrri fjölskyldu, þetta er mjög mikilvægur tími í að kynnast sem flestu sem daglegt líf hefur uppá að bjóða og setur svolítið línurnar fyrir því hvernig hundurinn mun verða fullorðinn, þó alltaf sé hægt að kenna gömum hundi að sitja ;)

 © 2001-2020 / Tia Oroka / Coton De Tulear / Iceland 

  • Grey Facebook Icon
  • Grey Instagram Icon